انواع البشر

بعض البشر يزرع بك الطيب قوه
وبعض البشر جاحد ولو تنزرع فيه
والبعض لا منك تماكنت جوه
لو تطلبه عينه نطق سم لبيه
وبعض البشر تجني عليه الفتوه
ما يدري ان الوقت يردع عن التيه
وخطوة حقود داخل الصدر زوه
اسود من المحماس بالغل يبريه
وخطوة سموحٍ قلبه بحلق هوه
غير البياض يسقطه ما يدانيه
والبعض دايم ملحق الناس سوه
لحم البشر عن كل زادن يبديه
والناس فيهم كالجبل في علوّه
ما أحدن على الرفعه يحاول يجاريه
وايضا بهم مثل الطريق المشوه
كلما وطى يصعب على الرجل تمشيه
أنواع جنب أنواع وان قيل خوه
احرص على اللي يرفعك لا تعديه
اللي مع الفزعات عنده مروه
يدفن خطاك ولا انجهل طيب يبديه
اتعب على وصل الذي طاب نوه
واحشم ترابك عن عجاج المكاريه
واشره على الخيّر أصيل الربوه
وإلا الردي ما هو بحمل المشاريه
وكلن على ما شب ينشاف ضوه
والله على قدر النوايا بيعطيه



للشاعرة / مها العنزي