شد الركايب ياسعد وأسرج الخيل=وأحدي على هجن تزايد رغاها
نبغى المدينه ياسعد تالي الليل=دام الغضيض اللي سبانا لفاها
في حَرةٍ زانت براس الشهاليل=ديرة رهيف العود روحي فداها
يازين خذ علمي ودمعي مهاميل=واحكم على روح ذبحها جداها
اربع سنين غبر شفت البهاذيل=من كف غرو كالسهايم مداها
عدى بقلبي لين حده على الميل=وأجرى دموعي لين خدي جفاها
وأشعل جروحي نار مثل القناديل=وأخفى حرابه لين غثرب صفاها
وانا عقب صده طريح بلا حيل=ماعــاد بي قـوه ونـاري طـفـاهـا
صرت أتوحى الصبح وأسج لسهيل=وأبكي على حب ذوى من لظاها
لك انت ياقاسي نثرت المشاويل=وارخيتلك ستري وعلمي حداها
انا ابي قربك واسل المصاقيل=واقطع طويلات المدى في حماها
دامك تنومس بالمشاعر مواويل=اقرب لشط اللي تعب من عناها
همام الأحمدي
نبغى المدينه ياسعد تالي الليل=دام الغضيض اللي سبانا لفاها
في حَرةٍ زانت براس الشهاليل=ديرة رهيف العود روحي فداها
يازين خذ علمي ودمعي مهاميل=واحكم على روح ذبحها جداها
اربع سنين غبر شفت البهاذيل=من كف غرو كالسهايم مداها
عدى بقلبي لين حده على الميل=وأجرى دموعي لين خدي جفاها
وأشعل جروحي نار مثل القناديل=وأخفى حرابه لين غثرب صفاها
وانا عقب صده طريح بلا حيل=ماعــاد بي قـوه ونـاري طـفـاهـا
صرت أتوحى الصبح وأسج لسهيل=وأبكي على حب ذوى من لظاها
لك انت ياقاسي نثرت المشاويل=وارخيتلك ستري وعلمي حداها
انا ابي قربك واسل المصاقيل=واقطع طويلات المدى في حماها
دامك تنومس بالمشاعر مواويل=اقرب لشط اللي تعب من عناها
همام الأحمدي