لعيون تركي صهيل الخيـل
واللـيـل لا عـانــق أحـبـابـه
ديرة ربوعي سقـاك السيـل
يـوم ان تركـي وطـى ترابـه
دار النـشـامـا ودار الـهـيـل
وأفعالها حـرب .. (حرابـه)
الـلابـه الـلـي تـهــد الـحـيـل
مــن ويــن ماجيتـهـا لابـــه
ماتقـبـل الـغــش والتمـثـيـل
ولاتـقـرب الــذل واصحـابـه
منزالهـم فـوق نجـم سهـيـل
وفيهـم مـن الجـدي مرقابـه
والله يالـشـعـر لـيـلـك لـيــل
أفعـالـهـم مــاهــي إكـتـابــه
ورثن من أجيال ماهو جيـل
مـايـمـوت والـنــار شـبـابـه
مـانـي مغـنـي لبـحـر النـيـل
طــــاروق ٍ الــكــل غـنـابــه
سرايـة المـزن يــوم أخـيـل
مـالـلـطـواريـق مـتـشــابــه
علـى ديـار أبيـض المنـديـل
طفل ٍ تركته علـى أعصابـه
يستـاهـل الـحــب والتـدلـيـل
لوقـالـوا أسـرفـت بألـعـابـه
تركي يابـوك الزمـان يميـل
وقـلـون هالـنـاس مـرتـابـه
يابـوك كلـش علينـا إدخـيـل
وأفـكـارنـا راحـــت نـهـابــه
حنـا بزمـن يكـثـر التضلـيـل
وإلا هالإرهاب وش جابه ؟
ياتركي جدودك أهـل الخيـل
لا أوصيـك يانسـل هالـلابـه
أطلـع علـى جـدك الحلحـيـل
الـلــي يـــدل الـكــرم بــابــه
واللـي لثقـل الحمـول يشيـل
ماخـاب مـن هــو تهقـوابـه
تكـبـر وأعلـمـك بالتفـصـيـل
درس ٍ ولا غـيــرك أولابـــه
لـو إن هالوقـت حـط وشيـل
والـحــر يـشـبـع بـمـخـلابـه