" اكتب لغيره والقصايـد تجـي فيـه "

قالو حبيبك يسمع الشعر قلـت ايـه
يقـراه بعيونـي قبـل تسمعـونـه
...
لولاه حتى طـاري الشعـر مابيـه
مير أكتبه من شان خاطـر عيونـه
...
هو روح شعري ومنياتـه وماضيـه
جذع الشجر وش كان لولا غصونـه
...
اكتب لغيره والقصايـد تجـي فيـه
كـن القصايـد حالفـه ماتخـونـه
...
هذاك لا منه زعـل قمـت اهاديـه
حتى وهو مخطـي تعـذرت دونـه
...
يمكن لو انه يلمـس الجـرح بيديـه
يستغرب ان اللـي لمسهـا طعونـه
...
ابطى وهو غايب وزلـت حراويـه
وانا مـن العـام اتحـرى مزونـه
...
هو مادرى اني في غيابـه محاتيـه
ليته نشد عن حالـى اللـي يجونـه
...
وااا قلبي اللـي تـوه افلـت عراويـه
كيف انسرق وظلوع قلبي حصونه
...
عجـزت ارده كـن مانـي براعيـه
يوم انتثر شوقـه وهاضـة شجونـه
...
يبسن عروقـه لكـن اللـي يعزيـه
أن اكثـر العالـم تـردد لحـونـه
...
خافو مـن الله لا تجيبـون طاريـه
لاصرت انـا موجـود لاتذكرونـه
...
لـو كـل غالـي جابـه الله لغاليـه
ماشفت لك مخلـوق تبكـي عيونـه