قصيده لشاعر الكبير سبيل بن سند الحصني

هذا الزمان اللي كثيـره بلاويـه
...................اللي به العروف يطلـع جريمـه
ليا زارك اللي زاوي الوقت زاويه
..................عليه من غبر الليالـي وسيمـه
ياصلك في بيتك يبوسٍ لواحيـه
.................ألين عظامه من نقيض الجميمه
يبيك تقضي له لـزومٍ موازيـه
...............موقف عليه اللي يتل الشكيمـه
وطلبت عون اللي نخافه ونرجيه
...............رحمان رجوى مد غيره هزيمـه
زفضيت جيبك ماليٍ له مخابيـه
..................شيمة عرب ما أنته مدوّرغنيمه
علي اللزوم اللي يخصك تبديـه
..............فل الحجاج وذب ذيـك الخريمـه
واليا خذيت سنين وانته تراجيـه
................ماجاك جيته والجوارح سليمـه
عنيت يمه مستحي حاسبٍ فيـه
..............لكن ماعند أسود الوجه شيمـه
اليا سمعك بطيب اسمـه تناديـه
..............جابهك بالعليا ورمحـه وريمـه
كنك تبـي تبـلاه والله معافيـه
..............لكن ماتمشـي عليـه الظليمـه
يصيح ويحـط الشواهـد بذانيـه
.............والله ذكر في سيـرةٍ مستقيمـه
من زل حرف من الشريعه مخليه
.............علي هذاك الحرف عض النديمه
تاره تقول ان الخطا صاب راميه
.............وتاريه تقول الطيب باس وعزيمه
وجه الندا ما يقدر العذر راعيـه
.............واردّها لاهل العقـول الفهيمـه
اللي يعرفون الندا كيـف ناديـه
.............ويقدّرون لطقّـة البـاب قيمـه
أقولها من هاجسٍ ماني كاميـه
.............صبرت لين انه طرحني هشيمـه
عمري يردّن الثلاثيـن ماضيـه
............شاركت أبو تسعين قومة وسيمه