البارحه كني على الجمـر مسـدوح
......................آخذ من اهل المعرفـه مشتورهـم
والقلب من كثر الهواجيس مجروح
......................والربع عندي شاركوا في سهرهـم
غديت مثل اللي من الحمل مفـدوح
.....................والا مناطـح سـربـةٍ ماقـدرهـم
كني من الهاجس غريقٍ على لـوح
...................من عرض اهل ساجٍ طبع في بحرهم
وارسلت من هو لي نصيحٍ وناصوح
....................ربـعٍ تصقـر والعـدو ماصقرهـم
عسى لهم بالسير صالح ومصلـوح
.....................لدار الكـرام اللـي بعيـدٍ ديرهـم
يلفون شيخٍ بيـن الذكـر ممـدوح
....................هو (حجر ابن ناحل )نهاية سفرهم
حجر اللذي في مطلب الجود مشفوح
...................ارجي عسى حجر المسمى عذرهـم
ذخر آل ناحل قدمه الدرب مبـروح
...................اثنوا عليه بوردهـم مـع صدرهـم
ياطروش تلفون (السوالم ومسروح)
..................زودوا مكاتيبـي وهاتـوا خبـرهـم
الدرب عنهم مايجي فيـه سامـوح
...................من قـو همتهـم ورفعـة نظرهـم
لاجيتهم صدرك على الطول مشروح
.................كرام الوجيه اللي تناديـي سفرهـم
تلقى لضيان الوفاء عندهم ضـوح
...................ويتابعـون الجيـل الاول بأثرهـم
جيلٍ جعل درب المـودات مفتـوح
...................يوم الجموع اللي تلامـع شهرهـم
جيلٍ دفع دون الخوي غالي الـروح
...................وحمى الخويه سيرةٍ مـن سيرهـم
الوجه حقه عندهـم مابـه مـزوح
....................افطن لربع( نويشي )اللـي دمرهـم
في واحدٍ من ساير الناس مذبـوح
.....................سبعة رجالٍ غيبـوا فـي حفرهـم
وفعل (الذويبي )بالتواريخ ملمـوح
....................يوم اغبرت شهب السنين وجهرهم
وقتٍ يخلي قاسي الـرأس مطـروح
..................وطى زعانيـف الرجـال وقهرهـم
وقف لها(حجرف)على عالي الصوح
...................وخسر الحلال ولابتـه ماخسرهـم
قدم كبيرات المثاني علـى الفـوح
....................واطعم بها الشيبـان حـزة كبرهـم
لين اصبحت شداتهم عذر وامـزوح
....................ولان الزمان اللي من اول عسرهـم
على العدو سمٍ سقطـري وذرنـوح
....................وبالجود والمعروف كـلٍ شكرهـم
للصاحب احلى من قـراحٍ بلحلـوح
................ويضفي على الجمع المعادي خطرهم
مني عدد مانـاح ورقٍ علـى دوح
....................بيضاء تعم شيوخهم مـع جبرهـم
......................آخذ من اهل المعرفـه مشتورهـم
والقلب من كثر الهواجيس مجروح
......................والربع عندي شاركوا في سهرهـم
غديت مثل اللي من الحمل مفـدوح
.....................والا مناطـح سـربـةٍ ماقـدرهـم
كني من الهاجس غريقٍ على لـوح
...................من عرض اهل ساجٍ طبع في بحرهم
وارسلت من هو لي نصيحٍ وناصوح
....................ربـعٍ تصقـر والعـدو ماصقرهـم
عسى لهم بالسير صالح ومصلـوح
.....................لدار الكـرام اللـي بعيـدٍ ديرهـم
يلفون شيخٍ بيـن الذكـر ممـدوح
....................هو (حجر ابن ناحل )نهاية سفرهم
حجر اللذي في مطلب الجود مشفوح
...................ارجي عسى حجر المسمى عذرهـم
ذخر آل ناحل قدمه الدرب مبـروح
...................اثنوا عليه بوردهـم مـع صدرهـم
ياطروش تلفون (السوالم ومسروح)
..................زودوا مكاتيبـي وهاتـوا خبـرهـم
الدرب عنهم مايجي فيـه سامـوح
...................من قـو همتهـم ورفعـة نظرهـم
لاجيتهم صدرك على الطول مشروح
.................كرام الوجيه اللي تناديـي سفرهـم
تلقى لضيان الوفاء عندهم ضـوح
...................ويتابعـون الجيـل الاول بأثرهـم
جيلٍ جعل درب المـودات مفتـوح
...................يوم الجموع اللي تلامـع شهرهـم
جيلٍ دفع دون الخوي غالي الـروح
...................وحمى الخويه سيرةٍ مـن سيرهـم
الوجه حقه عندهـم مابـه مـزوح
....................افطن لربع( نويشي )اللـي دمرهـم
في واحدٍ من ساير الناس مذبـوح
.....................سبعة رجالٍ غيبـوا فـي حفرهـم
وفعل (الذويبي )بالتواريخ ملمـوح
....................يوم اغبرت شهب السنين وجهرهم
وقتٍ يخلي قاسي الـرأس مطـروح
..................وطى زعانيـف الرجـال وقهرهـم
وقف لها(حجرف)على عالي الصوح
...................وخسر الحلال ولابتـه ماخسرهـم
قدم كبيرات المثاني علـى الفـوح
....................واطعم بها الشيبـان حـزة كبرهـم
لين اصبحت شداتهم عذر وامـزوح
....................ولان الزمان اللي من اول عسرهـم
على العدو سمٍ سقطـري وذرنـوح
....................وبالجود والمعروف كـلٍ شكرهـم
للصاحب احلى من قـراحٍ بلحلـوح
................ويضفي على الجمع المعادي خطرهم
مني عدد مانـاح ورقٍ علـى دوح
....................بيضاء تعم شيوخهم مـع جبرهـم