ياسعود عسى داركـم عمهـا السيـل
عقب البروق اللـي تكاشـف جهتهـا
عطني جميـع اخبارهـا بالتفاصيـل
عسـى الرجـوع التاليـة سيلتـهـا
لعلهـا دايــم تـصـب الهمالـيـل
علـى فـروع جبالـهـا واوديتـهـا
دار ربـو فيهـا الرجـال المشاكيـل
من ماضي الايـام مـا احـد شمتهـا
حمايـة الخايـف وصبابـة الهـيـل
وعوق السمين الللي تمـوح ذنبتهـا
لو كان ما رجي من وراهم محاصيـل
مير الرجـال تحـب مـن سامعتهـا
وفي ضفهـم راع العيـون المكاحيـل
اللي يـذوب القلـب مـن سلهمتهـا
إلى اقبلت قام يتكفكـف دجـا الليـل
كـل الـديـار المظلـمـة نورتـهـا
وإلى ادبرت غطت جسدها المجاديـل
بيـن الخلايـق لـو تعـرى كستهـا
أن كفتـه مثـل الغصـون المحاميـل
وان فلتـه قــام يتثـنـى تحتـهـا
كنه سبيب اللـي ليـا ماحـت الذيـل
راسـه تعـدى راسهـا وأرقبتـهـا
صفرا وهي بعذارها سمعـت الخيـل
اشد من ضـرب الدفـوف أرجفتهـا
وقامت تشيل بنفسها بالسمـاء شيـل
وصاح النذير وسبـق الخيـل جتهـا
خيالها دايـم علـى خصمـه الميـل
إلـى فـرق رجليـه عـن معرقتهـا
شيـخ مضريهـا لنطـح المقابـيـل
صـوب الخـلا بعنانهـا ماعفتـهـا
تفرح بـه اللـي ماوراهـا رياجيـل
وصكت عليهـا خيـل قـوم وخذتهـا
قـوم تقفـوا جلـهـا والمخايـيـل
اقفـوا علـى خلفاتهـا وأجنبتـهـا
وأبطت فـزوع مسحبيـن الشماليـل
وجاء من يرد البـل علـى راعيتهـا
جابه لها وقـت الحـرج رب جبريـل
بنـت الرجـال اللـي كبيـر بختهـا
نادى لهـا يـام الحلـق والخلاخيـل
وين اتجـاه القـوم يـوم اقتفتهـا ؟
وقامـت بذرعـان زهتهـا المفاتيـل
تنعـت وراهـم ليـن وكـد نعتـهـا
ولحق بسيفٍ لمعتـه مثـل الاستيـل
وصفراً ليـا جـات الحـلاة طمرتهـا
وقامت تزغـرد بالغنـاء والمواويـل
وجاه الدهاش وشاش مـن غطرفتهـا
تلحـن المـوال عـقـب الـولاويـل
الولـولـه بالغـطـرفـة بدلـتـهـا
وأومى بهم مثـل الهـوى بالمخاييـل
وضاقت بهم جرد السهـال وسعتهـا
من راح ماعود ومن طاح مـا شيـل
وقطم الحذا راجـت عليهـا اغبرتهـا
فيما مضى واوردتها ضـرب تمثيـل
لوكـان دورات الزمـن كـد محتهـا
دنيا تفرق شمـل جيـل بعـد جيـل
قدامـنـا كــم عـاالـم فرقتـهـا
دارت بهـا الايـام مثـل المحاحيـل
عنهـا نحـت فيـه وعنـي نحتهـا
نحـت ولاجتنـي خطـوط ومراسيـل
وإلـى كتبـت رسـالـة ماقرتـهـا
لاكـن قـرار الحـب مافيـه تعديـل
لو عشت بالدنيا إلـى آخـر سنتهـا
هاض الضمير وقلت من عر ض ماقيل
واخير مـن سـرد العلـوم اثمرتهـا
اختـرت ماتصلـح عليـه التعالـيـل
مع الرجـال اللـي تصـوغ أمثلتهـا
بعض الرجال يقابـل الكيـل بالكيـل
وبعـض الرجـال تحدهـا معرفتهـا
والنـاس بالللـي ماتعرفـه جهاهيـل
ويبيـن غيـب قلوبهـا بالسنتـهـا
وتعـرف فصيلـة دمهـا بالتحاليـل
وتبيـن جنسياتهـا مــن لغتـهـا
عقب البروق اللـي تكاشـف جهتهـا
عطني جميـع اخبارهـا بالتفاصيـل
عسـى الرجـوع التاليـة سيلتـهـا
لعلهـا دايــم تـصـب الهمالـيـل
علـى فـروع جبالـهـا واوديتـهـا
دار ربـو فيهـا الرجـال المشاكيـل
من ماضي الايـام مـا احـد شمتهـا
حمايـة الخايـف وصبابـة الهـيـل
وعوق السمين الللي تمـوح ذنبتهـا
لو كان ما رجي من وراهم محاصيـل
مير الرجـال تحـب مـن سامعتهـا
وفي ضفهـم راع العيـون المكاحيـل
اللي يـذوب القلـب مـن سلهمتهـا
إلى اقبلت قام يتكفكـف دجـا الليـل
كـل الـديـار المظلـمـة نورتـهـا
وإلى ادبرت غطت جسدها المجاديـل
بيـن الخلايـق لـو تعـرى كستهـا
أن كفتـه مثـل الغصـون المحاميـل
وان فلتـه قــام يتثـنـى تحتـهـا
كنه سبيب اللـي ليـا ماحـت الذيـل
راسـه تعـدى راسهـا وأرقبتـهـا
صفرا وهي بعذارها سمعـت الخيـل
اشد من ضـرب الدفـوف أرجفتهـا
وقامت تشيل بنفسها بالسمـاء شيـل
وصاح النذير وسبـق الخيـل جتهـا
خيالها دايـم علـى خصمـه الميـل
إلـى فـرق رجليـه عـن معرقتهـا
شيـخ مضريهـا لنطـح المقابـيـل
صـوب الخـلا بعنانهـا ماعفتـهـا
تفرح بـه اللـي ماوراهـا رياجيـل
وصكت عليهـا خيـل قـوم وخذتهـا
قـوم تقفـوا جلـهـا والمخايـيـل
اقفـوا علـى خلفاتهـا وأجنبتـهـا
وأبطت فـزوع مسحبيـن الشماليـل
وجاء من يرد البـل علـى راعيتهـا
جابه لها وقـت الحـرج رب جبريـل
بنـت الرجـال اللـي كبيـر بختهـا
نادى لهـا يـام الحلـق والخلاخيـل
وين اتجـاه القـوم يـوم اقتفتهـا ؟
وقامـت بذرعـان زهتهـا المفاتيـل
تنعـت وراهـم ليـن وكـد نعتـهـا
ولحق بسيفٍ لمعتـه مثـل الاستيـل
وصفراً ليـا جـات الحـلاة طمرتهـا
وقامت تزغـرد بالغنـاء والمواويـل
وجاه الدهاش وشاش مـن غطرفتهـا
تلحـن المـوال عـقـب الـولاويـل
الولـولـه بالغـطـرفـة بدلـتـهـا
وأومى بهم مثـل الهـوى بالمخاييـل
وضاقت بهم جرد السهـال وسعتهـا
من راح ماعود ومن طاح مـا شيـل
وقطم الحذا راجـت عليهـا اغبرتهـا
فيما مضى واوردتها ضـرب تمثيـل
لوكـان دورات الزمـن كـد محتهـا
دنيا تفرق شمـل جيـل بعـد جيـل
قدامـنـا كــم عـاالـم فرقتـهـا
دارت بهـا الايـام مثـل المحاحيـل
عنهـا نحـت فيـه وعنـي نحتهـا
نحـت ولاجتنـي خطـوط ومراسيـل
وإلـى كتبـت رسـالـة ماقرتـهـا
لاكـن قـرار الحـب مافيـه تعديـل
لو عشت بالدنيا إلـى آخـر سنتهـا
هاض الضمير وقلت من عر ض ماقيل
واخير مـن سـرد العلـوم اثمرتهـا
اختـرت ماتصلـح عليـه التعالـيـل
مع الرجـال اللـي تصـوغ أمثلتهـا
بعض الرجال يقابـل الكيـل بالكيـل
وبعـض الرجـال تحدهـا معرفتهـا
والنـاس بالللـي ماتعرفـه جهاهيـل
ويبيـن غيـب قلوبهـا بالسنتـهـا
وتعـرف فصيلـة دمهـا بالتحاليـل
وتبيـن جنسياتهـا مــن لغتـهـا