أنا احمد اللي خلقني = في كل درب مشيته
كنت أشتغل في تأني = شي بيدي بنيته
بالمزرعة ومتهني = عمري وفيها احتويته
حب النخيل امتلكني = سعادتي لارقيته
واحمل على فوق متني = أكل البهايم عطيته
واشيل واحط وابني = والزرع كله سقيته
واليوم ماني متهني = ليلي طويل سريته
وابوي والله ظلمني = من دون ذنب جنيته
قلبي عليل يوني = والدمع عيني سقيته
والصمت فينين ومني =والحرف دمع بكيته
يابوي لا تتهمني = أبنك وليدك تليته
زعل علي وضربني = وأخوي هم لقيته
وامي علي توني = همي عليها رميته
وعمي يزود التجني = جرحي ألمه قويته
خذوك يالعم منّي = والهم فيكم قريته
كل الهموم أحتوني = والآه عني نهيته
لاح الأمل وابتدرني = ربي عظيم رجيته
مهما يطول التعني = الحق يرجع لبيته
أرجو من الأعضاء والقراء المشاهدين
الرد على المشاركة والتصويت
حتى نحضر المزيد من المواضيع المهمة والرائعة