قصيدة للشاعر حمد المخلفي بقبيلتنا العزيزة حرب

يسعدني أن اضع بين أيديكم قصيدة رائعة للشاعر حمد المخلفي بقبيلتنا العزيزة حرب





حنا قبيــلة حـرب حنـا الحـراريــب *** درب الخـيانه والـغـدر مـانـدلـه
ان كانها بالطيــب حـنــا هل الطيــب *** وان كانها بالسـيــف الأملــح هلله
عادات ربعـي ينـطحـون المـواجيــب *** وليا انعـقـد حبـــل صعيـب نحله
ببيوتنا تلـقى اشـقـر البــن والطيــب *** مجلس ونس من يدهله مــا يمـلـه
الضيـف يلـقـى له تحـايـا وترحـيـب *** يطلب وكنه جالـس في حمـى لــه
للعـــز لـــز وللمـراجـل محاريب *** والا الظفر منا وفيـنـا جبــلـــه
عدونـــا نسـقيــه مــر المشاريب *** كم شيخ قــوم مــا تعدى محلــه
من هامـنـا بالطيـب يلـقـى تراحيـب *** ومن هامنـا بالشر رجمه نـهـلــه
ومن هامـنا بالعـلم يلـقــى كتاتيــب *** ومن هامنا بالدين شيـخـان مـلـه
ومن هامنا بالـمجد روس المــراقيـب *** حنا ترانا كالنجوم الــمـطــلــه
يامــا ثنيـنا دون حـرش العـراقيـب *** وياما كسبـناهـن شبـاه الأهـلــه
وياما دفعـنا النفـس دون الأصـاحـيب *** للحربـي فعول تعطر سـجلـــه
مضرب مثـل بين العـرب والأجانيـب *** دخيـل ونويشي كبار الأدلــــه
نشوم عن فعـل يقـص الأشانيـــب *** يوم الردي فعل الخزا عـادتـلــه
وهايب من عنـد مـن يعلـم الغيــب *** اللي تعبـنا فالمشـاعـر رضى له
وكـل الحمـايـل مابـهـا ذرة العيب *** واللي ملك سيـف المراجـل يسلـه
واليوم حكم مطـوعيـن الأصاعيـب *** نسل الامـام اللي ملك نجد كـلــه
سم ذحاح لمـن ضرب درب تغريب *** وبلسم جروح لمن على الدين دلـــه
الله يعـز مـلـوكنــا والمعازيب *** والله يحـفـظ الـدار مـن كل عـلـه