قصيدة بالاخوه

الناس واجد مير ما مثل الأخــوان ** مامثل أخــوك اللي يحبــك ويغليــك

مامثل أخوك الي صدوق ومعوان ** تفدية بالغـــالي وبالــــروح يفـــديـك

يشكي لك جروحه وهمه والأحـزان ** ولا ضاقت الدنيــا بهمــك يواسيــــك

لو كان لك ربــع ونـ ـــــاس وجيران ** مامثل أخوك اللي عن الناس يغنيك

أخوك هــو عــــزك ولـو كان ما كان ** يبيــع كل النـاس لأجلـك ويشــريك

أنا اشهد انه لك على الصدر نيشان ** تــاج على راســـــك وستر يغطيـــك

أنا اشـهد انه مـا يثــاقل بمـــــيزان ** مثل الذهب والماس مافيه تشكيك

وأنا اشـهد انه مايقــدر بالأثمـــــان ** عن العـــدو حصــن ودرع يوقيــــــك

إيـاك لا تفتـح طــريق لشيطــــــان ** بينــك وبينـه جعــل ربي ينجيــــــــك

ولا تسـمع لا جـاك عـلان وفــــتـلان ** ياكثـر ما تسمع من اللي يعاديـــــك

ولا تجعل لغيرك على العقل سلطان ** تــرى كثيـــر بشــــــوره يدهــــــويك

تـرى الــدهر دوار ياســرع الأزمـان ** يــوم تــــواريه الثـــرى أو يواريــــــك

تقول ياليـــت الــذي كـــان ماكـــان ** ياليتــني بالقبــر جنبــك واخاويـــــك

ياليتـك تعود وأضمـك بالأحضــــان ** أضمـــك لصــدري واقبــل أياديــــــك

ياليتــك تعود تـرى القلب ندمــــان ** وده يســوق المعــذره ثم يراضيــــك

مير البلاء ياليـت ماردت إنســـــان ** وياليــت ماتمحــي ظــلام بماضيـــك

تمــاكن الدنيا وواصل بالإحســـان ** قبل النــدم يطــويك والهم يبريـــــــك

ونهاية المشــوار ماغير الأكفـــان ** ويبقى مع السـارين ذكرك وطاريــك


مــــــــنــــــقــــو ل